پاکستان افغانستان کے ساتھ مزید کشیدگی نہیں چاہتا، ترجمان دفتر خارجہ

اسلام آباد میں دفترِ خارجہ کے ترجمان طاہر اندرانی نے نیوز بریفنگ میں کہا کہ پاکستان افغانستان کے ساتھ مزید کشیدگی نہیں چاہتا اور امید ہے کہ افغان حکومت اپنی سرزمین پاکستان کے خلاف استعمال نہیں ہونے دے گی۔

کیا دبئی فری لانس ویزا کے لیے ڈگری ضروری ہے؟ ویزا پالیسی میں بڑی تبدیلی

انہوں نے بتایا کہ وزیراعظم شہباز شریف نے اعلیٰ سطحی وفد کے ہمراہ سعودی عرب کا دورہ کیا، جہاں انہوں نے ریاض میں فیوچر انویسٹمنٹ انیشیٹیو کانفرنس میں شرکت کی۔ اس موقع پر وزیراعظم نے سعودی ولی عہد شہزادہ محمد بن سلمان سے ملاقات کی جبکہ نائب وزیراعظم اسحاق ڈار نے سعودی وزیر دفاع سے اہم گفتگو کی۔

ترجمان نے مزید بتایا کہ وزیراعظم نے مختلف ممالک کے وزرائے خارجہ سے بھی ٹیلی فونک رابطے کیے اور دو طرفہ تعلقات، سرمایہ کاری اور تعاون کے امکانات پر تبادلہ خیال کیا۔