اسلام آباد کی انسدادِ دہشت گردی عدالت نے سنگجانی جلسہ کیس میں پی ٹی آئی رہنما زین قریشی کے ناقابلِ ضمانت وارنٹِ گرفتاری جاری کر دیے ہیں۔ سماعت کے دوران عدالت نے عمر ایوب اور زرتاج گل کے خلاف اشتہاری قرار دینے کی کارروائی بھی شروع کر دی۔
جج طاہر عباس سپرا نے ریمارکس دیے کہ زین قریشی عرس میں شریک ہیں مگر عدالت میں پیش نہیں ہو رہے، اگر وہ درباروں میں مصروف ہیں تو بہتر ہے سیاست چھوڑ کر تعویذ دھاگا کا کام کر لیں۔
عدالت نے دورانِ سماعت پی ٹی آئی رہنما علی بخاری کی حاضری سے استثنیٰ کی درخواست منظور کر لی۔
