پاکستان اور سعودی عرب نے اقتصادی تعاون کا فریم ورک لانچ کرنےکا اعلان کردیا

پاکستان اور سعودی عرب نے باہمی اقتصادی تعاون کو فروغ دینے کے لیے نیا فریم ورک لانچ کرنے کا اعلان کیا ہے۔

ریاض میں وزیراعظم شہباز شریف اور سعودی ولی عہد محمد بن سلمان کے درمیان ملاقات ہوئی جس کے بعد جاری مشترکہ اعلامیے میں کہا گیا کہ دونوں ممالک نے تاریخی شراکت داری کو مزید مستحکم کرنے پر اتفاق کیا ہے۔

سندھ بھر میں 6 لاکھ سے زائد عطائی ڈاکٹروں کا انکشاف

دفترِ خارجہ کے مطابق اس فریم ورک کے تحت اقتصادی، تجارتی، سرمایہ کاری اور ترقیاتی منصوبوں پر بات چیت ہوگی۔ توانائی، صنعت، کان کنی، انفارمیشن ٹیکنالوجی، سیاحت، زراعت اور فوڈ سکیورٹی کو ترجیحی شعبے قرار دیا گیا ہے۔

اعلامیے میں بتایا گیا کہ دونوں ممالک کے درمیان بجلی کی ترسیل کے منصوبے پر مفاہمتی یادداشت پر دستخط کی تیاری جاری ہے، جب کہ توانائی کے شعبے میں تعاون کے لیے بھی مفاہمتی یادداشت پر کام ہو رہا ہے۔

دفترِ خارجہ کے مطابق پاکستان اور سعودی عرب پائیدار شراکت داری کے قیام کے خواہاں ہیں، اور دونوں ملکوں کے قائدین اعلیٰ سطح کی سپریم کوآرڈینیشن کونسل کے آئندہ اجلاس کے منتظر ہیں۔