بیروت میں جنوبی لبنان کے علاقے میں تعینات اقوام متحدہ کی امن فوج نے ایک اسرائیلی ڈرون مار گرایا۔
اقوام متحدہ کے امن مشن یونیفیل نے اپنے بیان میں کہا کہ اسرائیلی ڈرون نے ان کی ٹیم کے اوپر جارحانہ انداز میں پرواز کی، جس کے بعد امن اہلکاروں نے دفاعی کارروائی کرتے ہوئے ڈرون کو ناکارہ بنا دیا۔
آزاد کشمیر کے وزیراعظم انوار الحق نے استعفیٰ دے دیا
یونیفیل کے مطابق واقعے کے فوراً بعد ایک اور اسرائیلی ڈرون نے امن مشن کے قریب گرینیڈ پھینکا، جبکہ ایک اسرائیلی ٹینک نے ان کی سمت فائرنگ کی۔ تاہم امن مشن نے تصدیق کی کہ اس واقعے میں کوئی اہلکار زخمی نہیں ہوا۔
اسرائیلی فوج کے ترجمان نے پیر کے روز کہا کہ ڈرون جنوبی لبنان کے سرحدی قصبے کفرکلا کے قریب معمول کی پرواز پر تھا۔ ترجمان کے مطابق اسرائیلی ڈرون نے امن فوج پر کوئی فائرنگ نہیں کی، بلکہ گرنے کے بعد اسرائیلی فوج نے اس مقام پر ایک دستی بم پھینکا جہاں ڈرون گرا تھا۔
