انسٹاگرام نے ریلز سے متعلق نیا فیچر متعارف کرا دیا

فوٹو اور ویڈیو شیئرنگ پلیٹ فارم انسٹاگرام نے صارفین کے لیے نیا فیچر متعارف کرایا ہے جس کی مدد سے وہ محفوظ کیے بغیر پرانی ریلز دوبارہ دیکھ سکیں گے۔

اکثر صارفین غلطی سے پیج ریفریش کر دیتے ہیں اور پسندیدہ ریلز محفوظ نہیں کر پاتے، اس مسئلے کے حل کے لیے میٹا کے ذیلی پلیٹ فارم انسٹاگرام نے نیا فیچر متعارف کرایا ہے۔
ایپل کا آئی فون ائیر فلاپ؟ کمپنی کا پیداوار 80 فیصد کم کرنے کا فیصلہ

انسٹاگرام کے سربراہ ایڈم موسیری نے جمعے کے روز اعلان کیا کہ اب صارفین اپنی دیکھی گئی تمام ریلز کو دوبارہ دیکھ سکیں گے۔ انہوں نے بتایا کہ اگر صارفین اپنی پروفائل سیٹنگز میں جا کر ’یور ایکٹیویٹی‘ کے آپشن میں جائیں تو وہاں ’واچ ہسٹری‘ کا نیا ٹیب موجود ہوگا، جہاں وہ تمام دیکھی گئی ریلز کی فہرست دیکھ سکتے ہیں۔