متوازن غذا کا استعمال دل کی صحت کے لیے نہایت مفید ثابت ہوتا ہے اور خون میں موجود خراب کولیسٹرول کی سطح کو نمایاں حد تک کم کرتا ہے۔
ماہرین صحت کے مطابق دنیا بھر میں دل کی بیماریوں کی ایک بڑی وجہ بلند کولیسٹرول ہے، تاہم روزمرہ خوراک میں چند غذاؤں کا اضافہ اس مسئلے پر قدرتی طور پر قابو پانے میں مددگار ثابت ہوسکتا ہے۔
پچ پر نمایاں ‘نئی لکیریں’، وائیڈ بال سے متعلق آئی سی سی کا نیا قانون کیا ہے؟
کولیسٹرول کم کرنے میں مدد دینے والی غذاؤں میں جئی اور مکمل اناج شامل ہیں جو فائبر سے بھرپور ہونے کے باعث کولیسٹرول کے جذب کو روکتے ہیں۔ پھلیاں اور دالیں آہستہ ہضم ہوتی ہیں اور وزن کے ساتھ ساتھ کولیسٹرول کو بھی قابو میں رکھتی ہیں۔
پھل اور سبزیاں، خصوصاً سیب، انگور، ترش پھل، بینگن اور بھنڈی، فائبر کی وجہ سے کولیسٹرول کی سطح گھٹاتے ہیں۔ اخروٹ، بادام اور مونگ پھلی جیسے گری دار میوے دل کے لیے مفید چکنائیاں فراہم کرتے ہیں۔
اسی طرح زیتون، کینولا اور سورج مکھی کا تیل مکھن یا گھی کے مقابلے میں زیادہ صحت مند انتخاب ہیں۔ سالمون، میکریل اور ساردین جیسی چربی دار مچھلیوں میں موجود اومیگا-3 فیٹی ایسڈ ٹرائیگلسرائیڈ کی مقدار کم کرنے میں مدد دیتے ہیں۔
ماہرین خبردار کرتے ہیں کہ سرخ گوشت، بیکڈ اشیاء، مکمل چکنائی والی ڈیری مصنوعات اور ناریل یا پام آئل جیسے تیلوں کا زیادہ استعمال کولیسٹرول میں اضافے کا سبب بن سکتا ہے۔
طبی ماہرین کے مطابق متوازن غذا، باقاعدہ ورزش اور تمباکو نوشی سے پرہیز دل کی بیماریوں کے خطرات کو کم کرنے کے بنیادی اصول ہیں۔
