پاکستان کرکٹ ٹیم چھاتی کے سرطان سے آگاہی مہم کے تحت جنوبی افریقا کے خلاف پہلے ٹی ٹوئنٹی میچ میں گلابی کٹ پہنے گی۔
اقوام متحدہ کے ویژن کے مطابق پاکستان کرکٹ بورڈ نے پنک ربن پاکستان کے ساتھ آگاہی مہم میں شمولیت اختیار کی ہے۔ راولپنڈی میں ہونے والے پہلے ٹی ٹوئنٹی میں قومی ٹیم گلابی تھیم والی خصوصی کٹ زیب تن کرے گی، جب کہ جنوبی افریقی کھلاڑی اور میچ آفیشلز گلابی ربن لگائیں گے۔
علی ترین کی پی سی بی پر شدید تنقید، لیگل نوٹس پھاڑ دیا
میچ میں استعمال ہونے والی اسٹمپس بھی گلابی رنگ کی ہوں گی، اور کمنٹیٹرز براہِ راست نشریات میں عوام کو آگاہی پیغامات دیں گے۔
پنک ربن اسپتال لاہور میں 28 اکتوبر کو مفت اسکریننگ اور چیک اپ کی سہولت فراہم کرے گا۔ پی سی بی کے سی او او سمیر احمد سید کے مطابق کرکٹ کے ذریعے عوامی شعور اجاگر کرنا پی سی بی کی ہمیشہ سے ترجیح رہی ہے۔
