رحیم یار خان: پنجاب پولیس نے کچے کے علاقے میں انٹیلی جنس بنیاد پر کارروائی کرتے ہوئے مغوی شہری کو بحفاظت بازیاب کرا لیا۔
ایکسپریس نیوز کے مطابق تھانہ احمد پور لمہ کی حدود میں مصدقہ اطلاع پر پولیس نے آپریشن کیا، جس کے دوران مغوی وقار سومرو کو بحفاظت بازیاب کرایا گیا۔
سندھ حکومت کا کچے کے ڈاکوؤں کے متعلق اہم فیصلہ؟جانئے
کارروائی کے دوران پولیس نے دو اغوا کاروں، موٹا کوش اور فاروق عباسی، کو گرفتار کر لیا۔
ترجمان پنجاب پولیس کے مطابق وقار سومرو کو چند روز قبل چوک چدھڑ کے علاقے سے مسلح ملزمان نے اغوا کیا تھا، جس کا مقدمہ تھانہ احمد پور لمہ میں درج کیا گیا تھا۔
آئی جی پنجاب ڈاکٹر عثمان انور نے مغوی کی بازیابی اور ملزمان کی گرفتاری پر رحیم یار خان پولیس کو شاباش دی۔
