کراچی کے علاقے نارتھ ناظم آباد میں ایک شخص نے شدید مالی دباؤ اور قرضوں کے بوجھ کے باعث اپنی دو بیٹیوں کو قتل کر دیا۔
پولیس کے مطابق واقعہ کوثر نیازی کالونی میں پیش آیا، جہاں اکبر نامی شخص نے اپنی دو بچیوں کے گلے کاٹ دیے۔ پولیس نے ملزم اکبر ولد عبدالستار کو گرفتار کر کے آلۂ قتل برآمد کر لیا ہے۔
بلوچستان میں افغان مہاجرین کے 10 کیمپس بند، 85 ہزار افغانوں کو واپس بھجوادیا گیا
ابتدائی تفتیش میں انکشاف ہوا ہے کہ ملزم سخت مالی مشکلات اور قرضوں میں مبتلا تھا۔ اس پر مختلف کمیٹیوں کے واجبات تھے جو وہ بیروزگاری کی وجہ سے ادا نہیں کر سکا۔
پولیس کے مطابق گرفتار ملزم کی پانچ بیٹیاں اور ایک بیٹا ہے، جب کہ مقتولہ زینب اور عالیہ کی عمریں بالترتیب دس اور گیارہ سال تھیں۔
