بیجنگ:
چین نے پاکستان اور امریکا کے درمیان معدنیاتی نمونوں سے متعلق خبروں کی تردید کرتے ہوئے کہا ہے کہ دونوں ممالک کے تعلقات باہمی اعتماد اور تعاون پر مبنی ہیں۔
چینی وزارت خارجہ کے ترجمان کے مطابق چین اور پاکستان ہر موسم کے اسٹریٹیجک شراکت دار ہیں، اور ان کی آہنی دوستی وقت کی تمام آزمائشوں پر پوری اتری ہے۔ دونوں ممالک نے اہم امور پر قریبی رابطہ اور اعلیٰ سطح کا اعتماد برقرار رکھا ہوا ہے۔
شادی اور طلاق کے بعد بھی امرتا نے انہیں ہمیشہ سپورٹ کیا، سیف علی خان
ترجمان نے کہا کہ پاکستان اور امریکا کے درمیان مائننگ تعاون سے متعلق رابطوں کے معاملے پر چین کو آگاہ رکھا گیا ہے۔ پاکستان نے یقین دہانی کرائی ہے کہ اس کے امریکا سے تعلقات چین کے مفادات یا باہمی تعاون کو نقصان نہیں پہنچائیں گے۔
ترجمان کے مطابق پاکستانی قیادت نے امریکی رہنماؤں کو جو معدنیاتی نمونے دکھائے وہ دراصل مقامی طور پر خریدے گئے قیمتی پتھر تھے۔ ان سے متعلق گردش کرنے والی خبریں غلط یا من گھڑت ہیں، جن کا مقصد چین اور پاکستان کے تعلقات میں دوری پیدا کرنا ہے۔
چینی وزارت خارجہ کے ترجمان نے مزید وضاحت کی کہ چین کے حالیہ ریئر ارتھ ایکسپورٹ کنٹرول اقدامات کا پاکستان سے کوئی تعلق نہیں۔ ان کا کہنا تھا کہ یہ اقدامات چین کے برآمدی کنٹرول کے نظام کو قوانین اور ضوابط کے مطابق بہتر بنانے کے لیے کیے گئے ہیں، تاکہ عالمی امن، علاقائی استحکام اور بین الاقوامی ذمہ داریوں کی تکمیل کو یقینی بنایا جا سکے۔
