پاور ڈویژن کے حکام کے مطابق گردشی قرضہ 700 ارب روپے کم ہو کر 2300 ارب سے گھٹ کر 1600 ارب روپے رہ گیا ہے۔ اس نمایاں کمی کی بنیادی وجوہات میں بجلی کے نقصانات میں کمی، ڈسکوز کی بہتر وصولیاں، اور آئی پی پیز سے کیے گئے معاہدوں میں ہونے والی بچت شامل ہیں۔
دوسری جانب نیپرا نے مالی سال 2024-25 کی چوتھی سہ ماہی ایڈجسٹمنٹ کی درخواست پر پیر کے روز سماعت مکمل کر لی ہے اور فیصلہ محفوظ کر لیا گیا ہے۔
رپورٹ کے مطابق تفصیلی اعداد و شمار کا جائزہ لینے کے بعد فیصلہ جاری کیا جائے گا، جبکہ امکان ظاہر کیا جا رہا ہے کہ سہ ماہی ایڈجسٹمنٹ کی مد میں بجلی کی قیمت میں 1 روپے 80 پیسے فی یونٹ کمی ہو سکتی ہے۔ اس ممکنہ ریلیف کا اطلاق کے الیکٹرک صارفین پر بھی ہوگا۔
