راولپنڈی میں پولیس نے انسانی اعضاء کی غیر قانونی پیوندکاری میں ملوث چار ملزمان کو گرفتار کر لیا ہے۔
پولیس کے مطابق ملزمان کے قبضے سے پیوندکاری میں استعمال ہونے والے آلات بھی برآمد کر لیے گئے ہیں۔ ابتدائی تفتیش میں ملزمان نے انکشاف کیا ہے کہ وہ غیر ملکی شہریوں کو گردے فروخت کرتے رہے ہیں۔
واقعے کی تفصیلات بتاتے ہوئے پولیس نے کہا کہ ایک گھر سے کسی کے چیخنے چلانے کی اطلاع موصول ہوئی، جس پر فوری کارروائی کرتے ہوئے پولیس موقع پر پہنچی۔ وہاں ایک شخص اسٹریچر سے بندھا ہوا ملا۔
متاثرہ شخص نے پولیس کو بتایا کہ اسے نوکری کا جھانسہ دے کر بلایا گیا تھا، بعد ازاں نشہ آور دوا دے کر نیم بے ہوش کر دیا گیا۔ پولیس نے مقدمہ درج کر کے مزید تفتیش شروع کر دی ہے۔
