جامعہ زرعیہ فیصل آباد کے زرعی ماہرین نے کاشتکاروں کوایک ہی گروپ کی زہروں کا بار بار سپرے نہ کرنے
کامشورہ دیا ہے اورکہاہے کہ کاشتکار زرعی ماہرین کی مشاورت سے بدل بدل کر زہروں کا سپرے کریں تاکہ ایک ہی
زہر کے سپرے سے کھیتوں میں قوت مزاحمت پیدانہ ہوسکے نیز اندھا دھند سپر ے کرنے سے بھی اجتناب کیاجائے
اور سپرے کے وقت حفاظتی اقدامات اختیار کئے جائیں تاکہ کسی سنگین نقصان سے بچا جاسکے۔انہوں نے کہاکہ آج کل
کپاس کی فصل تیزی سے تکمیل کے مراحل میں ہے جس پر مختلف بیماریاں بھی حملہ آور ہو سکتی ہیں لٰہذا کپاس کی
فصل کو وائرس کے حملے سے بچانے کیلئے ہفتہ میں 2بار پیسٹ سکاؤٹنگ بھی کی جائے اور اگر کیڑوں کاحملہ
نقصان کی معاشی حد تک ہو تو محکمہ زراعت کے فیلڈسٹاف یا زرعی ماہرین کی مشاورت سے مناسب زہروں کاسپرے
بھی کیاجائے۔
