وزارت داخلہ کی جانب سے جاری دستاویزات کے مطابق پاکستان میں اعلیٰ حکام کے لیے طے کردہ پروٹوکول درجہ بندی میں صدرِ مملکت کو پہلی اور وزیرِ اعظم کو دوسری پوزیشن حاصل ہے۔ چیئرمین سینیٹ تیسرے، جبکہ اسپیکر قومی اسمبلی چوتھے نمبر پر آتے ہیں۔
پانچویں نمبر پر نائب صدر کا عہدہ درج ہے، حالانکہ پاکستان میں اس منصب کا کوئی وجود نہیں۔ چیف جسٹس آف پاکستان کو پروٹوکول میں چھٹا نمبر دیا گیا ہے، جب کہ ساتویں نمبر پر سینئر وزیر کا عہدہ موجود ہے، جو فی الحال وفاقی حکومت میں فعال نہیں۔
مزید یہ کہ درجہ بندی میں نہ نائب وزیرِ اعظم کا ذکر ہے اور نہ ہی فیلڈ مارشل کے عہدے کو شامل کیا گیا ہے۔
