بنوں میں پولیس نے دہشت گردوں کی جانب سے تھانہ بکاخیل پر کیے گئے حملے کو بروقت اور بہادری سے ناکام بنا دیا۔
پولیس کے مطابق 13 سے 15 دہشت گردوں نے تھانے پر ہلکے اور بھاری ہتھیاروں سے حملہ کیا، تاہم پولیس اہلکاروں نے فوری اور جرات مندانہ جوابی کارروائی کرتے ہوئے انہیں پسپا ہونے پر مجبور کر دیا۔ خوش قسمتی سے تمام پولیس اہلکار محفوظ رہے۔
دہشت گردوں کے خلاف بہادری سے ڈٹ کر مقابلہ کرنے پر آئی جی خیبرپختونخوا ذوالفقار حمید اور ڈی پی او بنوں نے پولیس فورس کو زبردست خراج تحسین پیش کیا۔
