وزیر اعلیٰ گلگت بلتستان کا بارشوں کے پیش نظر متعلقہ اداروں کو الرٹ رہنے کا حکم
گلگت: وزیر اعلیٰ گلگت بلتستان حاجی گلبر خان نے صوبے بھر میں جاری بارشوں کے پیش نظر جی بی ڈی ایم اے، ضلعی انتظامیہ، محکمہ مواصلات و تعمیرات سمیت تمام متعلقہ اداروں کو الرٹ رہنے کی ہدایت جاری کی ہے۔
انہوں نے کہا ہے کہ شاہراہوں کی بحالی اور کسی بھی ممکنہ ہنگامی صورتحال سے نمٹنے کے لیے پیشگی اقدامات یقینی بنائے جائیں۔
وزیر اعلیٰ نے عوام اور سیاحوں سے بھی اپیل کی ہے کہ وہ بارشوں کے دوران پہاڑی علاقوں کی طرف غیر ضروری سفر سے اجتناب کریں تاکہ کسی ممکنہ خطرے سے بچا جا سکے۔
