اسلام آباد(نیوز ڈیسک) پاکستاننیوی کے جہاز پی این ایس شمشیر نے پاک بحریہ کی زیر قیادت کثیرالملکی کمبائنڈ ٹاسک فورس 150 (CTF-150) کے ساتھ مشترکہ آپریشن "ٹیلون گرپ ون” میں حصہ لیا۔ یہ جہاز اس وقت خلیج عمان میں علاقائی میری ٹائم سیکیورٹی گشت کے لیے تعینات ہے۔
تعیناتی کے دوران، پی این ایس شمشیر نے رائل نیوی کے جہاز ایچ ایم ایس لنکاسٹر کے ساتھ مشق کا انعقاد بھی کیا۔ اس مشق کا مقصد دونوں بحری افواج کے درمیان ہم آہنگی اور باہمی تعاون کو بہتر بنانا تھا، جبکہ خطے میں مشترکہ آپریشنز کی صلاحیت کا مظاہرہ کرنا بھی تھا۔
پاکستان نیوی بحر ہند میں قومی اور بین الاقوامی سمندری راستوں کی نگرانی کے لیے اپنی موجودگی برقرار رکھے ہوئے ہے۔ یہ کمبائنڈ میری ٹائم فورسز (CMF) کے تحت انسداد بحری قزاقی اور انسداد منشیات کی کارروائیوں کے لیے مشترکہ کوششوں کو فروغ دینے کے لیے فعال طور پر تعاون کرتی ہے۔
پیپلز پارٹی رہنما کا وفاقی حکومت پر سندھ کے حقوق کی خلاف ورزی کا الزام
