اسلام آباد (نیوزڈیسک)صدرآل پاکستان انجمن تاجران اجمل بلوچ نے کہا ہے کہ کل 28 اگست بروز بدھ ملک بھر میں مکمل شٹرڈاؤن ہڑتال ہوگی۔
اپنے ایک بیان میں انہوں نے کہاکہ ملک بھر کے تاجر ظالمانہ ٹیکس کے خلاف کل اپنا ہر طرح کا کاروبار بند رکھیں گے۔حکومت سے کوئی مذاکرات نہیں ہو رہے مذاکرات ہڑتال کے بعد ہونگے۔
انہوں نے کہاکہ مزاکرات کے نام پر ہڑتال کو روکنےکے ہتھکنڈے استعمال کئے جا رہے ہیں۔چند حکومتی ہم خیال نام نہاد تاجر نمائندے حکومت کی زبان بول رہے ہیں۔
مزیدپڑھیں:مطالبات تسلیم نہ کئے تو شٹر ڈاؤن کرکے وزیراعظم ہاوس کا گھیراو کریں گے،اجمل بلوچ
ان کا کہنا تھا کہ حکومت کے پاس ایک ہی راستہ ہے کہ تاجر دوست ٹیکس سکیم کا قانون واپس لے۔حکومت نے ظالمانہ ٹیکس کآ قآنون واپس ںہ لیا تو آگے2 دن کی ہڑتال کا اعلان کر دیں گے۔
انہوں نے کہاکہ خریدو فروخت میں 70 فیصد کمی ہوچکی تاجر اتنا ٹیکس دیں کہاں سے دیں۔
ان کایہ بھی کہنا تھا کہ تاجر ویلویشن ٹیبل ٹیکس ادا کرنے کی سکت ہی نہیں رکھتے۔
اجمل بلوچ نے کہاکہ بجلی کے بلوں اور دوکانوں کے کرایوں نے تاجروں کآ بھرکس نکال دیا ہے۔ٹیکس ادا کرنے والے کو ایک ڈسپرین کی گولی تک میسر نہیں۔اجمل بلوچ حکمران اپنی مراعات کم کرنے کے بجائے الٹا اضافہ کر رہے ہیں۔آدھا ٹیکس قرضوں کی ادائیگی اور آدھا کرپشن کی نظر ہو جاتا ہے۔
جب تک کرپشن پر سزائے موت کا قانون نہیں بنایا جاتا حالات ٹھیک نہیں ہو سکتے۔
