لائف بوائے 99.9% جراثیم سے تحفظ سب جھوٹ

اسلام آباد(نیوزڈیسک)کمپٹیشن کمیشن آف پاکستان (سی سی پی) نے یونی لیور پاکستان پر اپنی پراڈکٹ ‘لائف بوائے کیئر اینڈ پروٹیکٹ صابن’ اور ‘لائف بوائے ہینڈ واش’ کے لیے گُمراہ کُن مارکیٹنگ کرنے ، غیر حقیقتی دعوے کرنے ، صارفین کو غلط معلومات فراہم کرنے پر 6 کروڑ رُوپے جُرمانہ عائد کر دیا ہے۔

سی سی پی کے پاس شکایت درج کرائی گئی تھی کہ یونی لیور اپنی مصنوعات ‘ لائف بوائے صابن اور لائف بوائے ہینڈ واش’ کے استعمال سے جراثیم کے خاتمے کا دعوہ کر رہی ہے۔

گُمراہ کُن مارکیٹنگ نہ صرف صارفین کو غلط معلومات کی فراہمی کا سبب بنتے ہیں بلکہ حریف کاروباری اداروں کے کاروباری مُفادات کو نُقصان پہنچانے ہیں ۔

سی سی پی آرڈر کے مُطابق یونی لیور پاکستان مذکورہ مصنوعات کے حوالے سے قطعی دعوے کرکے دیگر کاروباری اداروں کے کاروباری مفادات کو نقصان پہنچایا رہ اور صارفین کو گمراہ کرتا رہا ۔ یہ گمراہ کُن دعوہ جات اس طرح تھے: "جراثیم سے 100% تحفظ کی ضمانت”، "دنیا کا نمبر 1 جراثیم سے تحفظ کا صابن”، "جہاں لائف بوائے ہے، وہاں بیماریاں کم ہوتی ہیں” اور "10 سیکنڈ میں 99.9% جراثیم سے تحفظ۔” ان دعووں کے بارے میں ڈِسکلیمر بھی چھوٹے فونٹس میں تحریر تھے جو قابل توجہ نہیں تھے اور جنہیں پڑھنا نہایت مُشکل تھا۔

مزیدپڑھیں:ایس ای سی پی انتظامیہ اور پاکستان اسٹاک ایکسچینج کے بورڈ کے مابین کیپٹل مارکیٹ کے فروغ بارے اجلاس

سی سی پی آرڈر نے نوٹ کیا کہ ان گمراہ کُن دعوہ جات کے زریعے کمپٹیشن ایکٹ 2010 کے سیکشن 10 کی پانچ واضح خلاف ورزیاں کی جار رہی تھیں۔ صحت اور حفاظت سے متعلق یہ دعوے قابل اعتماد سائنسی شواہد سے ثابت بھی نہیں کئے جا سکے۔ آرڈر میں یہ بھی نوٹ کیا گیا کہ یونی لیور نے شو کازنوٹس جاری ہونے کے باوجود اپنا دھوکہ دھی پر مبنی مارکیٹنگ کا عمل جاری رکھا ۔

آرڈر میں مزید کہا گیا کہ یونی لیور خطے کے مُختلف ممالک کے لئے ایک ہی پروڈکٹ کے لیے لئے مختلف الفاظ استعمال کر رہا تھا اور غیر حقیتی دعوہ جات کا زیادہ استعمال پاکستان میں پایا گیا۔

سی سی پی بنچ نے کمپٹیشن ایکٹ کے سیکشن 10 کی خلاف ورزی کرنے اور دھوکہ دہی پر مبنی مارکیٹنگ کے طریقوں کے استعمال پر یونی لیور پاکستان پر 6 کروڑ رُوپے جُرمانہ عائد کرتے ہوئے یونی لیور کو مزید ہدایت کی ہے کہ اس آرڈر کے اجراء کی تاریخ سے 30 دِنوں میں رجسٹرار کے پاس تعمیل رپورٹ جمع کرائے۔