اسلام آباد(نیوزڈیسک)خیبرپختونخوا حکومت کی گورننس سے متعلق شکایات پربانی پی ٹی آئی نے تین رکنی کمیٹی قائم کردی ہے جو وزرا ور انتظامی سیکرٹریز کے حوالے سے الزامات کی تحقیقات کرے گی۔
نجی ٹی وی سے گفتگو کرتے ہوئے مشیر اطلاعات خیبرپختونخوا بیرسٹرمحمدعلی سیف نے کہا کہ بانی پی ٹی آئی کے احکامات پر بدعنوانی اور گورننس سے متعلق کمیٹی قائم کردی ہے جس میں سابق گورنر شاہ فرمان، معاون خصوصی مصدق عباسی اور قاضی انور شامل ہیں۔
انہوں نے کہا کہ کمیٹی ارکان کو بانی پی ٹی آئی نے خود نامزد کیا ہے، کمیٹی صوبائی حکومت کی کارکردگی پر نظر رکھے گی اور تمام محکموں کی مانیٹرنگ بھی کرے گی۔بیرسٹر سیف نے کہا کہ کمیٹی وزرا اور انتظام سیکرٹریز کے حوالے سےالزمات کی تحقیقات کرے گی، الزام ثابت ہونے پر متعلق وزیریا انتظامی افسران کے خلاف کارروائی ہوگی۔
