نئی نسل کو منشیات کی لعنت سے بچانے کیلئے ڈرگ مافیا کے خلاف موثر کریک ڈاؤن کا فیصلہ

اسلام آباد(نیوزڈیسک) وفاقی وزیرداخلہ و انسداد منشیات محسن نقوی نے اے این ایف ہیڈ کوارٹر کا دورہ کیا۔

وزیر داخلہ و انسداد منشیات محسن نقوی کا ڈی جی اے این ایف میجر جنرل عبدالمعید نے خیر مقدم کیا۔

وزیرداخلہ و انسداد منشیات محسن نقوی نے اے این ایف ہیڈ کوارٹر میں یادگار شہداء پر حاضری دی۔

محسن نقوی نے یادگار شہداء پر پھول رکھے. فاتحہ خوانی کی اور شہداء کی عظیم قربانیوں کو خراج عقیدت پیش کیا۔

وفاقی وزیرداخلہ و انسداد منشیات محسن نقوی کی زیر صدارت اے این ایف ہیڈ کوارٹر میں اہم اجلاس ہوا

وزیرداخلہ و انسداد منشیات محسن نقوی نے کم وسائل و افرادی قوت کے باوجود پاکستان بھر میں ڈرگ مافیا کے خلاف موثر کارروائیوں پر اے این ایف کی کارکردگی کو سراہا۔

نئی نسل کو منشیات کی لعنت سے بچانے کیلئے ڈرگ مافیا کے خلاف موثر کریک ڈاؤن کا فیصلہ کیاگیا اور اس حوالے سے جامع پلان طلب کرلیاگیا۔

سرکاری و نجی یونیورسٹیز۔ کالجز اور ہاسٹلز میں منشیات خصوصا آئس کی خرید و فروخت روکنے کے لئے بھرپور کارروائی کی جائے گی۔

اس ضمن میں صوبوں سے مشاورت کی جائے گی اور اعتماد میں لیا جائے گا۔

وفاقی و صوبائی محکموں کا مشترکہ اجلاس رواں ماہ کے آخر میں منعقد ہو گا۔

صوبوں کے وزراء ایکسائز اور آئی جیز پولیس اجلاس میں شرکت کی دعوت دی جائے گی۔

منشیات کی آن لائن خرید و فروخت روکنے کے لیے بھی پلان طلب کرلیاگیا۔

وزیرداخلہ و انسداد منشیات محسن نقوی نے اے این ایف کو سائبر ڈرگ کنٹرول میکنزم تیار کرنے کی ہدایت کردی اورکہاکہ منشیات خصوصا آئس کی لعنت نے کئی خاندان تباہ کر دئیے ہیں۔

انہوں نے کہاکہ منشیات کے بڑھتے ہوئے رجحان پر قابو پانے کے لئے فوری طور پر کثیر الجہتی اقدامات کرنا ہوں گے۔ ،اپنے بچوں کے لیے سب نے پوری قوت اور پختہ عزم سے اس لعنت کے خلاف جہاد کرنا ہے۔

ان کا کہنا تھ اکہ آج ہم نے اس لعنت کے خاتمے میں اپنا حصہ ڈال دیا تو یہ بہت بڑا کار خیر ہو گا۔

وفاقی وزیرداخلہ و انسداد منشیات محسن نقوی کو اے این ایف کی کارکردگی ۔ افعال کار اور آپریشنز کے بارے بریفنگ دی گئی

وفاقی وزیرداخلہ و انسداد منشیات محسن نقوی نے لان میں پودا لگایا۔

وفاقی سیکرٹری داخلہ خرم آغا اور اے این ایف کے اعلی حکام بھی اس موقع پر موجود تھے۔