اسلام آباد (نمائندہ خصوصی)وزیرداخلہ محسن نقوی سے پاکستان میں تعینات اطالوی سفیر میریلینا ارملینا نے ملاقات کی ہے ۔
ملاقات میں دوطرفہ تعلقات اور باہمی دلچسپی کے امور پر تفصیلی گفتگوکہ گئی۔
اس موقع پر وزیر داخلہ نے کہا کہ اٹلی کا حالیہ دورہ انتہائی کامیاب اور موثر رہا۔
انہوں نے کہا کہ اطالوی وزیر داخلہ سے ملاقات میں غیر قانونی انسانی اسمگلنگ کے خلاف مل کر کام کرنے پر اتفاق ہوا،۔
انہوں نے کہا کہ اس ضمن میں اطالوی وزارت داخلہ کا وفد جلد پاکستان کا دورہ کرے گا۔
انہوں نے کہا کہ وفد پاکستانی حکام سے ملاقات اور بارڈر کا دورہ کرے گا۔
ان کاکہناتھاکہ نسداد منشیات اور انسانی سمگلنگ کو روکنے کےلئے دونوں ممالک کو باہمی تعاون کو مزید مضبوط بنانا ہو گا۔
انسانی اسمگلنگ پر کوئی سمجھوتہ نہیں ہو گا اس کے تدارک کیلئے ہر ممکن اقدامات اٹھائے جا رہے ہیں۔
محسنِ نقوی نے کہا کہ اگر ہم انسانی اسمگلنگ کو بارڈر پر روکنے میں کامیاب ہوتے ہیں تو یہ دونوں ممالک کے لئے سود مند ثابت ہو گا۔ہنر مند افرادی قوت کی منتقلی سے بھی انسانی اسمگلنگ کی حوصلہ شکنی ہو گی۔
ان کا کہنا تھا کہ اٹلی مختلف شعبوں میں پاکستان کے ہنر مند افراد کی خدمات سے فائدہ اٹھا سکتا ہے۔
اس موقع پر وفاقی وزیر داخلہ نے اطالوی سفیر کو اپنے اطالوی ہم منصب کے دورہ پاکستان کا باقاعدہ دعوت نامہ بھی پیش کیا
اطالوی سفیر نے مختلف شعبوں میں تعاون پر وزیر داخلہ کا شکریہ ادا کیا۔
کمانڈنٹ ایف سی معظم جاہ انصاری، آئی جی اسلام آباد علی ناصر رضوی ، وزارت داخلہ اور وزارت خارجہ کے سینئر حکام نے بھی ملاقات میں شرکت کی ۔
