اسلام آباد(نیوزڈیسک)وزیر اعظم یوتھ پروگرام کے چیئرمین رانا مشہود احمد خان نے وزیر اعظم میاں محمد شہباز شریف سے ملاقات کی۔
ملاقات میں نوجوانوں کو بااختیار بنانے اور مشغولیت پر توجہ مرکوز کی گئی اورنوجوانوں میں مثبت تبدیلی لانے کی صلاحیت پر زور دیا۔ چیئرمین رانا مشہود احمد خان نے وزیراعظم کو مختلف جاری اقدامات اور پروگراموں کے بارے میں بتایا جن کا مقصد پاکستان میں نوجوانوں کو بااختیار بنانا ہے جن میں ہنر مندی، تعلیم اور معاشی مواقع شامل ہیں۔
وزیر اعظم شہباز شریف نے پاکستان کے نوجوانوں کی حمایت کے عزم کا اعادہ کیا اور چیئرمین رانا مشہود احمد خان کی حوصلہ افزائی کی کہ وہ ملک کی نوجوان نسل کے روشن مستقبل کے لیے اپنی کوششیں جاری رکھیں۔
یہ ملاقات نوجوانوں کی ترقی کو ترجیح دینے اور ملک کی ترقی میں ان کی فعال شرکت کو یقینی بنانے کے لیے حکومت کے عزم کو واضح کرتی ہے
