لاہور(نمائندہ خصوصی)وزیراعلی پنجاب کے وژن کے تحت سستی اور معیاری خوراک کی فراہمی یقینی بنانے کے لکئے وزیر خوراک پنجاب بلال یاسین کی ہدایت پر محکمہ خوراک پنجاب سرگرم عمل ہے۔
پنجاب بھر کی فلور ملز اور بازاروں میں آٹے کا معیار اور سٹوریج نظام چیک کرنے کیلئے تازہ کیمپئن لانچ کرنے کا فیصلہ کیاگیا ہے ۔
وزیرخوراک پنجاب نے کہاکہ ڈسٹرکٹ فوڈ کنٹرولرز آٹے میں نمی کے تناسب اور کوالٹی کی سخت مانیٹرنگ کریں،آٹے میں ناقص اجزاء کی موجودگی پر وارننگ نہیں، ایکشن لیا جائے،
وارننگ، جرمانے اور لائسنس معطلی بہت ہو گئے؛ اب مافیا کے خلاف پرچے درج ہوں گے۔ افسران روزانہ کی بنیاد پر فیلڈ آپریشن کی رپورٹ جمع کروائیں۔
انہوں نے کہاکہ تمام ڈویژنل ڈپٹی ڈائریکٹرز گندم کے ذخائر اور معیار بارے تازہ رپورٹ بھجوائیں،فلیگ سنٹرز، پی آر سنٹرز، بنی شیلز اور گوداموں کی تفصیلی رپورٹ مرتب کریں، گندم کے اعلیٰ معیار اور تحفظ پر کوتاہی برداشت نہیں کی جائے گی۔حکومتی احکامات کے مطابق گندم سے تیار کردہ اجناس کی کم کردہ قیمتوں پر دستیابی یقینی بنائیں۔
