لاہور(نیوزڈیسک)قازقستان کے سفیر یرزہان کستفین کی کمشنر لاہور آفس آمد۔ کمشنر لاہور محمد علی رندھاوا نے پرتپاک استقبال کیا۔
قونصل جنرل قازقستان لاہور راو خالد بھی ملاقات میں موجود تھے۔
عزت مآب سفیر نے سالانہ قازقستان ہاوس لاہور تقریب میں شرکت کیلیے کمشنر لاہور کو دعوت دی
کمشنر لاہور نے ملاقات ابتدائیے میں قازقستان اور قازقستان کے سفیر کے لیے پر خلوص جزبات کا اظہار کیا۔
عزت مآب سفیر قازقستان نے کمشنر لاہور کو روایتی قازق جبہ ”شپن“ اور اردو قازق انگریزی زبان لغت کا تحفہ پیش کیا۔
سفیر قازقستان یرزہان کستفین نے کہاکہ مجھے لاہور آکر بہت خوشی ہوئی ہے۔پاکستان خوبصورت ملک ہے۔۔۔قازقستان اور پاکستان اسلامی برادر ملک ہیں۔تجارت و تعلیم کے حوالے سے پاکستان کے مختلف شہروں اور کامرس سنٹرز کے دورے کیے ہیں۔
سفیر قازقستان یرزہان کستفین نے کہاکہ قازقستان کےشہر ترکستان میں تاریخ کے پہلے صوفیانہ نظام کے بانی خواجہ احمد یساوی کا مقبرہ ہے۔لاہور اور ترکستان کے درمیان مختلف شعبہ ہائے زندگی میں تعاون بڑھ رہا ہے۔
اس موقع پر کمشنر لاہور نے کہاکہ لاہور تاریخی و قدیم شہر اور تخلیقی صلاحیتوں کے حامل باسیوں کا شہر ہے۔۔۔لاہور کی ثقافت۔تاریخ۔سیاحت۔ادب کو عالمی سطح پر پر نمایاں مقام حاصل ہے۔دونوں ممالک کے درمیان کھیلوں و تعلیم کے شعبوں میں تعلقات کو بہت وسعت ملے گی۔۔
کمشنر لاہور نے لاہور میں ترقیاتی۔ تجارتی۔ثقافتی سرگرمیوں اور ودیگر باہمی دلچسپی کے امور پر اظہار خیال کیااورکہا کہ ۔۔مختلف شعبوں میں مظبوط تعاون کیلئے باہمی رابطے کو سرگرم رکھیں گے۔
کمشنر لاہور نے یرزہان کستفین کو عالمگیری دروازہ شاہی قلعہ شیلڈ کا تحفہ پیش کیا
