سکھر(نیوزڈیسک )پاکستان تحریک انصاف لیڈیز ونگ کے زیر اہتمام خواتین کارکنان کی بڑی تعداد نےبشریٰ بی بی کو علاج کیلئے شوکت خانم منتقل نا کرنے ،پی ٹی آئی سربراہ عمران خان سمیت پی ٹی آئی رہنماؤں و کارکنان کو سیاسی انتقامی کاروائیوں کا نشانہ والے عمل کے خلاف سکھر پریس کلب کے سامنے پی ٹی آئی لیڈیز ونگ کی سنئیر رہنما میڈم صفیہ بلوچ کی قیادت میں احتجاجی مظاہرہ کیا اور نعریبازی کی۔
اس موقع پر خواتین رہنماؤں نے ہاتھوں میں پلے کارڈ بھی اٹھا رکھے تھے پی ٹی آئی رہنماؤں نے بشریٰ بی بی کو فوری شوکت خانم منتقل کرنےکامطالبہ کرتے کہا کہ بشری بی بی کی طعبیت انتہائی ناساز ہونے کے باوجود کسی بھی فیملی ممبر کو ان سے ملنے نہیں دیا جارہا ہے یہ مسئلہ پی ٹی آئی فیملی کے لئے بہت حساس ہے میڈم صفیہ بلوچ نے کہا کہ آج تک بانی پی ٹی آئی عمران خان کے فیملی ممبرز نے کسی بھی پارٹی پوزیشن کو انجوائے نہیں کیا،کبھی سیاسی پوزیشن یا سیاسی بیان میں حصہ نہیں لیا۔
اس کے باوجود بانی پی ٹی آئی کے خاندان کی خواتین کو ٹارچر کیا جا رہا ہے جو انتہائی افسوس کا مقام ہے جس کی جتنی مذمت کی جائے کم ہے بشری بی بی کو تڑپایا جا رہا ہے تاکہ بانی پی ٹی آئی سے این آر او لے سکے اگر خواتین کے ہی ذریعے بانی پی ٹی آئی کو ٹارچرکرنا ہے تو بشری بی بی کو اڈالہ جیل شفٹ کیا جائے۔خواتین رہنماؤں نے کہا کے ابھی تک۔جو رپورٹس سامنے آئی ہیں اس سے ثابت ہوتا ہے کہ انکو کچھ دیا گیا تھا،ہم مطالبہ کرتے ہیں انکا علاج شوکت خانم اسپتال سے کروایا جائے اور جن لوگوں نے یہ کیا ہے ان کے خلاف کارروائی کی جائے بصورت دیگر احتجاج کا دائرہ بڑھا دیا جائیگا۔
