واشنگٹن ڈی سی(نیوزڈیسک) اسسٹنٹ سکریٹری ڈونالڈ لواور پرنسپل ڈپٹی اسسٹنٹ سیکریٹری آف یو ایس اسٹیٹ ڈپارٹمنٹ الزبتھ ہورسٹ نے وزیر خزانہ محمد اورنگزیب سے ورلڈ بینک کے ہیڈ کوارٹر میں ملاقات کی ہے۔
تفصیلات کے مطابق اسسٹنٹ سکریٹری ڈونالڈ لواور پرنسپل ڈپٹی اسسٹنٹ سکریٹری آف یو ایس اسٹیٹ ڈپارٹمنٹ الزبتھ ہورسٹ نے وزیر خزانہ محمد اورنگزیب سے ورلڈ بینک کے ہیڈ کوارٹر میں ملاقات کی تاکہ واشنگٹن میں پاک امریکہ تعلقات کو مضبوط بنانے کے لیے سیاسی عزم کو اجاگر کیا جا سکے۔
ملاقات کے دوران متبادل توانائی کے ذرائع، زراعت، موسمیاتی تبدیلی کے خلاف ابھرنے کی صلاحیت اور ٹیک انڈسٹری پر خصوصی زور دینے کے پر تبادلہ خیال کیا۔
اسی کے ساتھ اقتصادی شراکت داری کو اپ گریڈ کرنے پر بھی زور دیا گیا۔
وزیر نے انہیں پاکستان کے اصلاحاتی ایجنڈے کے بارے میں بتایا جس میں ٹیکس کی بنیاد کو وسیع کرنا، توانائی کے شعبے کو ہموار کرنا اور سرکاری اداروں کی نجکاری کے عمل کو تیز کرنا شامل ہے۔
انہوں نے آئی ٹی، قابل تجدید ذرائع، زراعت اور معدنیات نکالنے میں امریکی سرمایہ کاری کے لیے ابھرتے ہوئے مواقع کی نشاندہی کی۔
وفاقی وزیر نے کہا کہ پاکستان یو ایس انٹرنیشنل ڈویلپمنٹ فنانس کارپوریشن اور ایگزم بینک کے ساتھ مل کر کام کرے گا۔
