اسلام آباد(نیوزڈیسک)چیئرمین پی سی بی محسن نقوی سے نیوزی لینڈ کے سکیورٹی وفد نے ملاقات کی ہے۔
ملاقات سکیورٹی وفد میں نیوزی لینڈ پلیئرز ایسوسی ایشن کے چیف ایگزیکٹو آفیسر ہیتھ ملز اور سکیورٹی کنسلٹنٹ ریگ ڈکاسن شامل تھے۔
ملاقات میں نیوزی لینڈ کرکٹ ٹیم کے دورہ پاکستان کے انتظامات اور سکیورٹی پلان پر تبادلہ خیال کیاگیا۔
چیئرمین پی سی بی محسن نقوی نے کیوی وفد کو فول پروف سکیورٹی انتظامات کی یقین دہانی کرائی اورکہاکہ نیوزی لینڈ کرکٹ ٹیم کے کھلاڑی پاکستان کے مہمان ہیں۔
محسن نقوی نے کہاکہ کیوی ٹیم کے لئے بہترین سکیورٹی انتظامات کئے جائیں گے۔
اس سے قبل محسن نقوی نے راولپنڈی کرکٹ سٹیڈیم کا دورہ کیااورکہاہ سکیورٹی انتظامات شاندار ہیں،کیوی وفد نے سکیورٹی پلان پر اطمینان کااظہارکیا۔
کیوی وفد کو پاکستان کرکٹ بورڈ کی جانب سے کیے گئے سیکورٹی اقدامات سے آگاہ کیا گیا۔
پی سی بی کے چیف آپریٹنگ آفیسر سلمان نصیر، ڈائریکٹر سیکیورٹی ڈیپارٹمنٹ کرنل خالد اور ڈائریکٹر انٹرنیشنل پاکستان کرکٹ بورڈ عثمان واہلہ بھی اس موقع پر موجود تھے۔
