گوگل کے چیف ایگزیکٹو کی اے آئی ٹیکنالوجی کے حوالے سے نئی پیشگوئی

گوگل کے چیف ایگزیکٹو سندر پچائی نے آرٹی فیشل انٹیلی جنس (AI) کے اثرات پر بات کرتے ہوئے کہا ہے کہ ہر فرد کی ملازمت اس نئی ٹیکنالوجی سے متاثر ہو سکتی ہے، اور خود ان کی اپنی ملازمت بھی اس سے متاثر ہو سکتی ہے۔ انہوں نے کہا کہ لوگ حالات کے مطابق خود کو ڈھالنے کے لیے تیار رہیں۔

سندر پچائی نے ایک حالیہ انٹرویو میں کہا کہ AI انسانی تاریخ کی سب سے اہم ٹیکنالوجی ہے اور اس میں لاتعداد فوائد کے مواقع موجود ہیں، جن پر سماجی انتشار کے دوران بھی کام جاری رہنا چاہیے۔ انہوں نے یہ بھی کہا کہ اس ٹیکنالوجی سے کچھ ملازمتیں ختم ہو سکتی ہیں لیکن نئے مواقع بھی پیدا ہوں گے، اور لوگوں کو انہیں اپنانے کی ضرورت ہوگی۔

پنجاب: ڈرائیونگ کی عمر 16 سال مقرر، مستقبل میں ای چالان مزید سخت کرنے کا فیصلہ

انہوں نے مزید کہا کہ ہر شعبے کے افراد، چاہے وہ استاد ہوں، ڈاکٹر یا کسی اور پیشے سے تعلق رکھتے ہوں، AI ٹولز کے استعمال کے بارے میں سیکھیں۔ سندر پچائی نے بتایا کہ ابھی کسی بھی یونیورسٹی کے مضمون یا شعبے کو AI سے مکمل تحفظ حاصل نہیں ہے، اور لوگوں کو اپنے کیریئر پر توجہ مرکوز کرنی چاہیے۔

آخر میں انہوں نے کہا کہ بچوں اور نوجوانوں میں AI اپنانے کی حوصلہ افزائی ضروری ہے تاکہ وہ مستقبل میں کامیاب ہو سکیں۔