لاہور میں وزیراعلیٰ پنجاب مریم نواز نے اعزازیہ کارڈ برائے امام مسجد کی منظوری دے دی ہے۔ وزیراعلیٰ پنجاب مریم نواز کی زیر صدارت اجلاس میں فروری 2026 تک اعزازیہ کارڈ کے اجرا کی ڈیڈ لائن مقرر کی گئی، اور یکم جنوری سے ادائیگی کے احکامات جاری کیے گئے ہیں، پہلی مرتبہ پے آرڈر کے ذریعے ادائیگی کی جائے گی۔ یکم فروری سے وزیراعلیٰ پنجاب کے ذریعے اعزازیہ کارڈ برائے امام مسجد کے تحت ادائیگی کی جائے گی۔
پی آئی اے کی نجکاری کیلئے وسط دسمبر کی تاریخ مقرر
مریم نواز نے ہدایت دی کہ آئمہ کرام کی رجسٹریشن کا عمل مسلسل جاری رکھا جائے۔ پنجاب بھر میں آئمہ کرام کے 62,994 رجسٹریشن فارم وصول کیے گئے ہیں جن کی تصدیق کا عمل جاری ہے، اور ملک و قوم کے مفادات کے خلاف یا اخلاقی یا مالی جرائم میں ملوث امام مسجد کا اعزازیہ بند کر دیا جائے گا۔ صوبے بھر میں مسجد مینجمنٹ کمیٹیاں اور تحصیل مینجمنٹ کمیٹیاں بھی قائم کی گئی ہیں، اور اسسٹنٹ کمشنرز کو ہر ماہ آئمہ کرام کو مدعو کر کے میٹنگ کرنے کی ہدایت دی گئی ہے۔
سیف سٹی کیمروں اور سرکاری املاک کو نقصان پہنچانے پر سخت کارروائی کے لیے قانون سازی کا فیصلہ بھی کیا گیا ہے۔ مریم نواز نے غیر قانونی طور پر مقیم افغانوں کے خلاف آپریشن مسلسل جاری رکھنے کے احکامات بھی دیے ہیں۔
