الیکشن کمیشن آف پاکستان نے قومی اور صوبائی اسمبلی کے ضمنی انتخابات میں کامیاب امیدواروں کے نوٹیفکیشن جاری کر دیے ہیں۔
قومی اسمبلی کے پانچ اور پنجاب اسمبلی کے سات حلقوں سے کامیاب امیدواروں کے نوٹیفکیشن جاری کیے گئے ہیں۔ این اے 96 فیصل آباد سے بلال چوہدری کا نوٹیفکیشن ضابطہ اخلاق کی خلاف ورزی کے مقدمے کی وجہ سے روک دیا گیا ہے۔
لوگوں کو ریلیف دینا چاہتے ہیں لیکن آئی ایم ایف شرائط کی وجہ سے نہیں دے پارہے: رانا ثنااللہ
قومی اسمبلی کے کامیاب امیدواروں میں این اے 18 ہری پور سے بابر نواز خان، این اے 104 فیصل آباد سے دانیال احمد، این اے 129 لاہور سے محمد نعمان، این اے 143 ساہیوال سے محمد طفیل اور این اے 185 ڈیرہ غازی خان سے محمود قادر خان شامل ہیں۔
صوبائی اسمبلی کے کامیاب امیدواروں میں پی پی 73 سرگودھا سے میاں سلطان علی رانجھا، پی پی 87 میانوالی سے علی حیدر نور خان نیازی، پی پی 98 فیصل آباد سے اعزاز علی تبسم، پی پی 115 فیصل آباد سے محمد طاہر پرویز، پی پی 116 فیصل آباد سے احمد شہریار، پی پی 203 ساہیوال سے محمد حنیف اور پی پی 269 مظفر گڑھ سے میاں عالمدار عباس قریشی شامل ہیں۔
الیکشن کمیشن نے تمام نوٹیفکیشن گزیٹ آف پاکستان میں شائع کرنے کی ہدایت بھی جاری کر دی ہے۔
