وفاقی آئینی عدالت نے گندم کوٹہ کے معاملے پر سندھ ہائی کورٹ کے فیصلے کو کالعدم قرار دے دیا ہے۔
جسٹس امین الدین کی سربراہی میں تین رکنی بینچ نے سندھ حکومت کی اپیل پر سماعت کی۔ سندھ حکومت نے 31 مئی 2023 کے سندھ ہائی کورٹ سکھر بینچ کے فیصلے کے خلاف اپیل دائر کی ہوئی تھی۔
یو اے ای میں فلسطینیوں کیلئے خوراک کے ایک کروڑ پیکٹس کی مہم شروع
ایڈیشنل ایڈووکیٹ جنرل سندھ سبطین محمود نے دلائل دیتے ہوئے کہا کہ سندھ ہائی کورٹ کی جانب سے دی گئی گائیڈ لائنز آئین کے دائرہ کار میں نہیں تھیں۔ ایڈیشنل اٹارنی جنرل منور دگل کا مؤقف تھا کہ پالیسی بنانا ایگزیکٹو کا کام ہے اور عدالت اس میں مداخلت نہیں کر سکتی۔
جسٹس علی باقر نجفی نے ریمارکس دیے کہ پالیسی ایگزیکٹو بناتی ہے اور اس کا اعلان بھی خود کرتی ہے۔ دلائل سننے کے بعد عدالت نے سندھ ہائی کورٹ کا فیصلہ کالعدم قرار دے دیا۔
یاد رہے کہ گندم کوٹہ کے حصول کے لیے فلور مل مالک نے سندھ ہائی کورٹ سے رجوع کیا تھا۔
