ریاض میں وفاقی وزیر داخلہ محسن نقوی کی سعودی ہم منصب شہزادہ عبدالعزیز بن سعود بن نائف سے اہم ملاقات ہوئی جس میں سکیورٹی امور پر گفتگو اور دونوں ممالک کی وزارت داخلہ کے درمیان تعاون کو مزید مضبوط بنانے پر تبادلہ خیال کیا گیا۔
کل کے احتجاج کے حوالے سے پارٹی جو فیصلہ کرے گی ، عمل کریں گے ، سہیل آفریدی
ملاقات کے دوران برمی مسلمانوں کے لیگل اسٹیٹس کے دیرینہ مسئلے پر بھی بات چیت ہوئی۔ سعودی وزیر داخلہ نے اس مسئلے کے حل کے لیے پاکستانی وزیر داخلہ کی کوششوں پر اظہار تشکر کیا۔
سعودی عرب کے وزیر داخلہ نے پاکستان میں فیڈرل کانسٹیبلری کے ہیڈ کوارٹر پر ہونے والے حملے میں شہید ہونے والے اہلکاروں کے اہل خانہ سے تعزیت بھی کی۔
اس ملاقات میں پولیس اور پیرا ملٹری فورسز کے لیے ٹریننگ ایکسچینج پروگرام پر اتفاق کیا گیا جبکہ پاکستان اور سعودی عرب کی وزارت داخلہ کے ورکنگ گروپ کی میٹنگ آئندہ ماہ منعقد کرنے کا فیصلہ بھی کیا گیا۔
اس موقع پر محسن نقوی نے کہا کہ سعودی عرب ہر پاکستانی کا دوسرا گھر ہے اور پاکستان کو سعودی عرب کے ساتھ پائیدار تعلقات پر فخر ہے۔
