طالبان حکومت نے افغان تاجروں کو پاکستان کے ساتھ تجارت ختم کرنے کے احکامات جاری کر دیے ہیں۔ افغان نائب وزیر اعظم برائے اقتصادی امور ملا عبدالغنی برادر نے افغان تاجروں سے کہا ہے کہ وہ تجارت کے لیے پاکستان پر انحصار ختم کر کے متبادل تجارتی راستے اختیار کریں۔
کراچی، شہریوں پر رعب جمانے اور ہراساں کرنے والا جعلی پولیس اہلکار گرفتار
انہوں نے واضح کیا کہ جو تاجر پاکستان کے ساتھ تجارت جاری رکھے گا، حکومت اس کے ساتھ کوئی تعاون نہیں کرے گی۔ انہوں نے پاکستان سے درآمد شدہ ادویات کے معیار کو ناقص قرار دیتے ہوئے درآمد کنندگان کو تین ماہ کی مہلت دی ہے کہ وہ پاکستان کے ساتھ اپنی تجارت بند کر دیں۔
افغان نائب وزیر اعظم نے دعویٰ کیا کہ افغانستان درآمدات و برآمدات کے لیے متبادل راستوں تک رسائی حاصل کر چکا ہے اور خطے کے ممالک کے ساتھ اقتصادی تعلقات ماضی کے مقابلے میں مضبوط ہو گئے ہیں۔ انہوں نے کہا کہ اگر پاکستان تجارتی راستے دوبارہ کھولنا چاہتا ہے تو اسے یہ ضمانت دینا ہوگی کہ یہ راستے مستقبل میں کبھی بند نہیں ہوں گے۔
