وزیراعظم شہباز شریف نے اسلام آباد ضلع کچہری کے باہر خودکش دھماکے کی سخت الفاظ میں مذمت کی اور واقعے کی فوری اور جامع تحقیقات کا حکم دے دیا۔ انہوں نے شہداء کے اہل خانہ سے دلی ہمدردی کا اظہار کیا اور زخمیوں کے لیے جلد صحتیابی کی دعا کی۔
مولانا فضل الرحمان نے جے یو آئی (ف) کے ارکان قومی اسمبلی کیلیے ’’ہدایت نامہ‘‘ جاری کردیا
وزیراعظم نے حکام کو بہترین طبی سہولیات فراہم کرنے کی ہدایت کی اور کہا کہ ذمہ داران کو قانون کے مطابق کیفر کردار تک پہنچایا جائے گا۔ ان کا کہنا تھا کہ معصوم شہریوں پر ایسے دہشتگردانہ حملے ناقابل قبول ہیں اور قوم اس قسم کی وارداتوں کو کبھی برداشت نہیں کرے گی۔
شہباز شریف نے بیان میں دعویٰ کیا کہ واقعہ بھارتی پشت پناہی والی دہشت گردی کی پراکسی سرگرمیوں سے منسلک ہے اور اس ضمن میں شواہد کی بنیاد پر کارروائی کی جائے گی۔ انہوں نے کہا کہ نہتے شہریوں کے خون کو رائیگاں نہیں جانے دیا جائے گا اور ملک کی سلامتی و شہادتوں کے اعتراف میں ہر ممکن قدم اٹھایا جائے گا۔
