آذربائیجان کے صدر کی دعوت پر وزیراعظم باکو پہنچ گئے

وزیراعظم شہباز شریف آذربائیجان کے صدر الہام علییو کی دعوت پر آذربائیجان کے یومِ فتح کی تقریب میں شرکت کے لیے دارالحکومت باکو پہنچ گئے۔

سرکاری اعلامیے کے مطابق وزیر اطلاعات و نشریات عطاء اللہ تارڑ بھی وزیراعظم کے ہمراہ ہیں۔

لاہور ہائیکورٹ کا دھواں چھوڑنے والی گاڑیوں کے خلاف کارروائی کا حکم

باکو کے حیدر علییو بین الاقوامی ہوائی اڈے پر آذربائیجان کے اول نائب وزیراعظم یعقوب ایوبوو، اول نائب وزیر خارجہ فریز رضایوو، پاکستان کے سفیر قاسم محی الدین اور سفارتی عملے نے وزیراعظم کا استقبال کیا۔

دورے کے دوران وزیراعظم شہباز شریف کی آذربائیجان کے صدر الہام علییو سے دو طرفہ ملاقات بھی متوقع ہے۔