اسلام آباد:
مجوزہ 27ویں آئینی ترمیم کے لیے درکار ووٹوں کے حساب سے سینیٹ کی تازہ پارٹی پوزیشن سامنے آگئی ہے۔
دبئی کو دنیا کا خوبصورت ترین شہربنانےکیلئے 18 ارب درہم کامنصوبہ منظور
آئینی ترمیم منظور کرانے کے لیے سینیٹ میں کم از کم 64 ووٹ درکار ہیں۔ ایوانِ بالا میں اس وقت سب سے زیادہ نشستیں حکومتی اتحاد میں شامل پاکستان پیپلز پارٹی کے پاس ہیں جن کی تعداد 26 ہے، جب کہ مسلم لیگ (ن) کے پاس 20 نشستیں ہیں۔
بلوچستان عوامی پارٹی کے 4، ایم کیو ایم کے 3، نیشنل پارٹی اور مسلم لیگ (ق) کے ایک ایک سینیٹر ہیں۔ حکومتی بینچوں پر موجود آزاد ارکان میں عبدالکریم، عبدالقادر، محسن نقوی، انوار الحق کاکڑ، اسد قاسم اور فیصل واوڈا شامل ہیں۔
دوسری جانب اپوزیشن بینچوں پر پاکستان تحریک انصاف کے 14 سینیٹرز موجود ہیں، جب کہ عوامی نیشنل پارٹی کی 3 نشستیں ہیں۔ ایک آزاد سینیٹر نسیمہ احسان بھی اپوزیشن کے ساتھ بیٹھی ہیں، جبکہ پی ٹی آئی کے حمایت یافتہ 6 آزاد سینیٹرز بھی ایوان میں موجود ہیں۔
پی ٹی آئی کے ایک نو منتخب سینیٹر جلد حلف اٹھائیں گے، جبکہ حمایت یافتہ آزاد رکن مراد سعید نے ابھی حلف نہیں اٹھایا۔
اپوزیشن بینچوں پر جمعیت علمائے اسلام (ف) کے 7 سینیٹرز ہیں، جب کہ مجلس وحدت المسلمین اور سنی اتحاد کونسل کا ایک ایک رکن بھی ایوان بالا میں موجود ہے۔
