اسلام آباد: حکومت نے 27ویں آئینی ترمیم کی پارلیمنٹ سے منظوری کے لیے فریم ورک تیار کر لیا ہے، اور توقع ہے کہ یہ ترمیم آئندہ ہفتے دونوں ایوانوں سے منظور کر لی جائے گی۔
ذرائع کے مطابق حکومت نے فیصلہ کیا ہے کہ 27ویں آئینی ترمیم سب سے پہلے سینیٹ میں پیش کی جائے گی۔ ترمیم جمعہ کے روز سینیٹ میں پیش ہونے کے بعد قومی اسمبلی میں لائی جائے گی۔ وزارت قانون اور وزارت پارلیمانی امور نے اس حوالے سے سینیٹ سیکریٹریٹ کو باضابطہ طور پر آگاہ کر دیا ہے۔
آئی سی سی اجلاس میں بھارت کی جانب سے ایشیا کپ معاملے پر شکایت کئے جانے کا امکان
ذرائع نے مزید بتایا کہ 27ویں آئینی ترمیم پر مشاورت کے لیے ایک پارلیمانی کمیٹی تشکیل دی جائے گی، جس میں سینیٹ اور قومی اسمبلی دونوں کے اراکین شامل ہوں گے۔ اس کمیٹی میں تمام بڑی سیاسی جماعتوں اور ان کی مرکزی قیادت کی نمائندگی ہوگی۔
ذرائع کے مطابق آئینی ترمیم کا مجوزہ مسودہ پارلیمانی کمیٹی کے سامنے رکھا جائے گا، اور کمیٹی سے منظوری کے بعد اسے پارلیمنٹ میں ووٹنگ کے لیے پیش کیا جائے گا۔
