پشاور ہائی کورٹ نے خیبر پختونخوا کے وزیر اعلیٰ سہیل آفریدی کی 18 نومبر تک حفاظتی ضمانت منظور کر لی۔
وزیر اعلیٰ کی جانب سے مقدمات کی تفصیلات کے حصول سے متعلق درخواست پر سماعت جسٹس اعجاز انور اور جسٹس نعیم انور نے کی۔ عدالت نے وزیر اعلیٰ کے خلاف درج مقدمات کی تفصیلات طلب کرتے ہوئے حکم دیا کہ انہیں ان مقدمات میں گرفتار نہ کیا جائے۔
افغانستان سے کشیدگی، دہشت گردی بڑھنے کا خطرہ سیاسی حل ضروری ہے، عمران خان
دوران سماعت جسٹس اعجاز انور نے استفسار کیا کہ وزیر اعلیٰ سہیل آفریدی کن ایف آئی آرز میں نامزد ہیں؟
ایڈووکیٹ جنرل نے جواب دیا کہ انہیں خود بھی اس بارے میں علم نہیں، ممکن ہے وہ خود بھی کسی ایف آئی آر میں نامزد ہوں۔ انہوں نے مزید بتایا کہ وزیر اعلیٰ سہیل آفریدی بانی پی ٹی آئی سے ملاقات کے لیے جائیں گے۔
