کابل: افغان حکومت اور طالبان کے ترجمان ذبیح اللہ مجاہد نے کہا ہے کہ افغان اپنی سرزمین کسی بھی صورت بیرونی قوتوں کے حوالے نہیں ہونے دیں گے۔
ذبیح اللہ مجاہد نے برطانوی ٹی وی چینل اسکائی نیوز کو آن لائن انٹرویو میں کہا کہ بگرام ائیر بیس کسی صورت امریکا کے حوالے نہیں کیا جائے گا اور افغان سرزمین کسی کے کنٹرول میں نہیں آئے گی۔
انہوں نے انکشاف کیا کہ امریکا کے ساتھ کابل اور واشنگٹن میں سفارتخانوں کو دوبارہ کھولنے پر بات چیت ہوئی ہے اور روس کے علاوہ کئی دیگر ممالک نے غیر رسمی طور پر انہیں تسلیم کیا ہے، تاہم باقاعدہ طور پر شناخت نہیں کی گئی۔
لڑکیوں کی تعلیم سے متعلق سوال پر ذبیح اللہ مجاہد نے کہا کہ اس بارے میں کوئی وعدہ نہیں کیا جا سکتا۔
یاد دہانی کے طور پر، 2021 میں غیر ملکی افواج کے انخلا کے دوران امریکا نے بگرام ائیر بیس افغان حکام کے حوالے کیا تھا۔
