گوجرانوالہ: سیشن کورٹ نے پاکستان تحریک انصاف کے رہنماؤں عمر ایوب اور زرتاج گل کی قبل از گرفتاری عبوری ضمانت کی درخواستیں خارج کر دیں۔
ڈسٹرکٹ اینڈ سیشن جج شوکت کمال ڈار نے 9 مئی کے جلاؤ گھیراؤ کیس میں دونوں رہنماؤں کی عبوری ضمانتوں پر سماعت کی۔ تاہم، عمر ایوب اور زرتاج گل عدالت میں پیش نہ ہوئے، جس پر عدالت نے عدم پیروی کی بنیاد پر ان کی ضمانت کی درخواستیں مسترد کر دیں۔ عدالت نے ایک روزہ حاضری سے استثنیٰ کی درخواست بھی خارج کر دی۔
یاد رہے کہ دونوں رہنماؤں کے خلاف تھانہ کینٹ گوجرانوالہ میں مقدمہ درج ہے، جس میں جلاؤ گھیراؤ اور سرکاری املاک کو نقصان پہنچانے کے الزامات شامل ہیں۔
