اعلامیے کے مطابق چہلم امام حسین کے موقع پر خیبرپختونخوا کے 13 اضلاع میں 7 روز کے لیے دفعہ 144 نافذ کر دی گئی ہے۔ اس دوران موٹرسائیکل کی ڈبل سواری، وال چاکنگ اور اشتعال انگیز تقاریر پر مکمل پابندی عائد ہوگی۔
نوٹیفکیشن کے مطابق جن اضلاع میں پابندیاں نافذ کی گئی ہیں اُن میں پشاور، کوہاٹ، ہنگو، بنوں، ٹانک، ڈیرہ اسماعیل خان، ایبٹ آباد، مانسہرہ، ہری پور، نوشہرہ، کرم، مردان اور لکی مروت شامل ہیں۔
جلوسوں کی گزرگاہوں پر عمارتوں کی چھتوں پر افراد کی موجودگی ممنوع قرار دی گئی ہے، جبکہ افغان باشندوں پر عوامی مقامات پر نقل و حرکت کی بھی پابندی عائد کر دی گئی ہے۔ اس کے علاوہ اسلحے کی نمائش، ہوائی فائرنگ، لاوڈ اسپیکر کے استعمال اور آتشبازی پر بھی مکمل پابندی ہوگی۔
اعلامیے میں کہا گیا ہے کہ دفعہ 144 کے تحت غیر متعلقہ افراد کا ان اضلاع میں داخلہ محدود کر دیا گیا ہے اور شہریوں سے حکومتی احکامات پر سختی سے عملدرآمد کی اپیل کی گئی ہے۔
