نیشنل ڈیٹا بیس اینڈ رجسٹریشن اتھارٹی (نادرا) نے اپنی پاک آئی ڈی موبائل ایپ میں اہم اپ ڈیٹس اور نئی سہولیات شامل کر دی ہیں، جس کا مقصد شہریوں کو مزید آسانی اور سہولت فراہم کرنا ہے۔
نادرا کے مطابق پاک آئی ڈی ایپ نہ صرف وقت کی بچت کا مؤثر ذریعہ ہے بلکہ شہریوں کو گھر بیٹھے شناختی خدمات تک رسائی بھی فراہم کرتی ہے۔ اب ایپ کے نئے ورژن میں کئی جدید فیچرز شامل کیے گئے ہیں جو صارفین کے لیے اسے پہلے سے کہیں زیادہ مؤثر اور آسان بنا دیتے ہیں۔
**ایپ میں شامل نئی خصوصیات درج ذیل ہیں:**
* **آئی ڈی ٹریکنگ کی سہولت:** درخواست کا اسٹیٹس اب آسانی سے معلوم کریں
* **چہرے کے ذریعے بائیو میٹرک تصدیق:** درخواست شروع کرتے وقت چہرہ شناختی نظام سے تصدیق
* **خاندان کی تفصیل کے لیے بائیو میٹرک کی شرط ختم:** اب خاندان کے افراد کی معلومات تک باآسانی رسائی
* **نادرا سینٹر کی اپائنٹمنٹ بکنگ:** نادرا دفاتر میں وقت لے کر بآسانی خدمات حاصل کریں
* **جدید اور بہتر یوزر انٹرفیس:** استعمال میں مزید آسانی اور سہولت
* **موبائل ایپ کا سادہ اور مؤثر استعمال:** ہر شہری کے لیے قابلِ فہم اور تیز تر
نادرا نے شہریوں سے اپیل کی ہے کہ وہ فوری طور پر اپنے موبائل فون میں پاک آئی ڈی ایپ کا نیا ورژن اپ ڈیٹ کریں اور ان نئی سہولیات سے فائدہ اٹھائیں۔
ترجمان نادرا کا کہنا ہے کہ شہریوں کو جدید اور باسہولت خدمات کی فراہمی کے لیے نادرا مسلسل سرگرمِ عمل ہے۔
