گلگت بلتستان کی تاریخ میں پہلی مرتبہ منعقد ہونے والی "فرسٹ ایف سی این اے انٹر ڈسٹرکٹ جی بی فٹ بال چیمپئن شپ 2025” کی شاندار اختتامی تقریب آج گلگت کے لالک جان سٹیڈیم میں ہوئی۔ اس ایونٹ میں گلگت بلتستان کے تمام اضلاع کی ٹیموں نے حصہ لیا، اور اس نے ایک نیا سنگ میل قائم کیا۔
چیمپئن شپ کے دوران گلگت بلتستان کے مختلف اضلاع کی ٹیموں نے شاندار کارکردگی دکھائی، اور میچز دیکھنے کے لیے شائقین کی بڑی تعداد میدان میں موجود رہی۔ اختتامی میچ میں، گلگت غازی کی ٹیم نے غذر کی ٹیم کو 2-1 سے شکست دے کر چیمپئن ٹرافی اپنے نام کی۔
اختتامی تقریب میں مہمانِ خصوصی، کمانڈر ایف سی این اے میجر جنرل سید امتیاز حسین گیلانی نے جیتنے والی ٹیموں میں انعامات تقسیم کیے۔ اس کے علاوہ، گلگت بلتستان کے چیف سیکرٹری ابرار حسین مرزا اور دیگر حکومتی، سماجی، اور عسکری شخصیات بھی اس ایونٹ کا حصہ بنیں۔
شائقین نے اس ایونٹ کے انعقاد میں پاک فوج کے کردار کو سراہا، اور ان کا کہنا تھا کہ پاک فوج کی معاونت سے یہ ایونٹ ممکن ہوا، جس سے مقامی ٹیلنٹ کو ابھرنے کا موقع ملا اور نوجوانوں میں کھیلوں کا جوش بڑھا۔
مقامی کھلاڑیوں نے اس ٹورنامنٹ کو گلگت بلتستان میں فٹبال کے بے پناہ ٹیلنٹ کو اجاگر کرنے کا موقع قرار دیا، اور شرکاء نے ایسے مزید کھیلوں کے مقابلوں کے انعقاد کی تجویز دی، تاکہ قومی اور بین الاقوامی سطح پر گلگت بلتستان کے کھلاڑی ملک کا نام روشن کر سکیں۔
یہ ایونٹ گلگت بلتستان میں فٹبال کے فروغ کی جانب ایک اہم قدم ثابت ہوا اور مقامی کھیلوں کی دنیا میں ایک نیا باب کھولا۔
