اسلام آباد(نیوز ڈیسک)ایمل ولی نے سینیٹ کا اجلاس رات تین سے چار بجے ہونے کا امکان ظاہر کردیا ہے۔ذرائع کے مطابق تمام سینیٹرز کو واپس لاجز میں بھیج دیا گیا، اور انہیں بتایا گیا ہے کہ جب اجلاس ہوگا آپ کو مطلع کردیں گے۔
ایمل ولی خان نے میڈیا سے گفتگو میں کہا کہ تمام تر تفصیلات ہمارے سامنے نہیں ہیں، کچھ ہمارے مشورے بھی ڈالے گئے ہیں، اسپیشل کمیٹی کا اجلاس ہوجائے تو سب کھل کر سامنے آ جائے گا، جو بھی پیچھے کام چلا رہے ہیں وہ اپ ٹو ڈیٹ نہیں لگ رہے۔
ذرائع کے مطابق حکومت تب ہی اپنی آئینی بازی کھیلے گی جب مولان فضل الرحمان راضہ ہوں گے، اور اگر وہ راضی نہ ہوئے تو سینیٹ اجلاس آج نہیں ہوسکے گا۔اس حوالے سے سابق سینیٹر مصطفی نواز کھوکھر کا کہنا ہے کہ سینیٹ کا اجلاس صبح چار بجے بھی بلا لیں تو سب اچھے بچوں کی طرح آجائیں گے
