گزشتہ روز ایران پر امریکا اور اسرائیل کی جانب سے حملے کے بعد مسعود پزشکیان کا پہلا بیان سامنے آیا ہے۔ انہوں نے کہا کہ انتقام کو اپنا جائز حق اور فرض سمجھتے ہیں اور اس فرض کی ادائیگی کے لیے ہر ممکن کوشش کی جائے گی۔
دوسری جانب ایران کے وزیر خارجہ عباس عراقچی نے تعزیتی پیغام میں کہا کہ آیت اللہ خامنہ ای ثابت قدم، عمیق تدبر کے حامل اور راہِ حق میں استقامت کا پیکر تھے۔ انہوں نے کہا کہ وہ عزت، حکمت اور استقامت کا دائمی ورثہ چھوڑ گئے ہیں اور ایسی عظیم شخصیت کی شہادت ایک بڑا نقصان اور دل خراش غم ہے۔ ان کا کہنا تھا کہ جو پرچم آیت اللہ خامنہ ای نے بلند کیا، اسے مزید بلندیوں تک پہنچایا جائے گا۔
