روسی وزارت دفاع کے مطابق یوکرین میں جاری فوجی آپریشن کے دوران گزشتہ 24 گھنٹوں میں یوکرینی افواج کو مختلف محاذوں پر مجموعی طور پر 1,210 اہلکاروں کا جانی نقصان ہوا ہے۔ روسی فضائیہ، میزائل فورسز اور توپخانے نے ڈرون اسمبلی مراکز، توانائی اور نقل و حمل کے انفراسٹرکچر اور غیر ملکی جنگجوں کے ٹھکانوں کو نشانہ بنایا ہے۔
وزارت دفاع کے مطابق یوکرینی فوج کے 175 اہلکار شمالی محاذ، 200 مغربی محاذ، 135 سے زائد جنوبی محاذ، 455 سے زائد سنٹر محاذ، 205 مشرقی محاذ اور 40 کے قریب اہلکار دنیپر محاذ پر ہلاک یا زخمی ہوئے ہیں۔ مجموعی طور پر 149 مقامات پر یوکرینی فوج کے عارضی ٹھکانوں اور اسلحہ و لاجسٹک سپورٹ مراکز پر حملے کیے گئے ہیں۔
حکومت نے سال 2026 کی سرکاری تعطیلات کا اعلان کر دیا
دوسری جانب ڈونیٹسک عوامی جمہوریہ کی قیادت نے بتایا ہے کہ روسی فورسز شمالی ڈونباس میں اہم پیش قدمی کر رہی ہیں اور تاریخی و اسٹریٹجک شہر سلاویانسک کے قریب پہنچ چکی ہیں۔ ڈینس پشیلین کے مطابق زاکوتنوئے کے علاقے پر کنٹرول کے بعد روسی فوج اب سلاویانسک سے تقریباً 30 کلومیٹر کے فاصلے پر ہے۔ گریشینو اور بیلیتسکوئے کے محاذوں پر شدید لڑائی جاری ہے، اور روسی فوج دوپروپولیے کی طرف بھی بڑھ رہی ہے، جو یوکرینی فوج کا ایک اہم لاجسٹک مرکز ہے۔
سلاویانسک جغرافیائی طور پر ڈونباس کے شمالی حصے میں واقع ہے اور یوکرینی دفاعی ڈھانچے کا ایک اہم زمینی نوڈ سمجھا جاتا ہے۔ یہ شہر کونستانتینووکا، کراماتورسک اور کراسنی لیمان کے درمیان سپلائی کوریڈور تشکیل دیتا ہے۔ اگر روس یہاں مزید پیش قدمی کرنے میں کامیاب ہو جاتا ہے تو پورے شمالی ڈونباس میں یوکرینی کمانڈ کو شدید دباؤ کا سامنا کرنا پڑ سکتا ہے۔
پشیلین کے مطابق کونستانتینووکا کے اطراف میں بھی روسی پیش قدمی کی اطلاعات ہیں اور کلیبان بکسکائے واٹر ریزروائر کے قریب ان کی فورسز نے کچھ کامیابیاں حاصل کی ہیں۔ یوکرین کی جانب سے ان رپورٹس کی باضابطہ تصدیق یا تردید تاحال سامنے نہیں آئی ہے، تاہم کیف کے حکام پہلے ہی تسلیم کر چکے ہیں کہ ڈونباس میں صورتحال پیچیدہ ہے اور محاذوں پر دباؤ بڑھ رہا ہے۔
