عالمی رائیڈ شیئرنگ کمپنی اوبر نے ترکی میں ٹیکنالوجی اور سافٹ ویئر ڈیولپمنٹ سینٹر قائم کرنے کے لیے 200 ملین ڈالر کی سرمایہ کاری کا اعلان کیا ہے۔
ترکی کی وزارتِ صنعت و ٹیکنالوجی کے مطابق یہ نیا مرکز پانچ سالہ منصوبے کے تحت استنبول میں قائم کیا جائے گا، جہاں جدید ٹیکنالوجی، مصنوعی ذہانت اور موبائل سروسز کی ترقی پر کام کیا جائے گا۔
دہشتگردی اور فتنہ الخوارج کیخلاف موثر اقدامات کئے ، بیرونی جارحیت کا جواب سخت اور شدید ہو گا ، ترجمان پاک فوج
وزارت کے بیان میں بتایا گیا کہ یہ اوبر کا امریکا سے باہر چوتھا بڑا ٹیکنالوجی سینٹر ہوگا۔ اس سے قبل کمپنی برازیل، بھارت اور نیدرلینڈز میں اسی نوعیت کے مراکز قائم کر چکی ہے۔
ترک حکام کا کہنا ہے کہ اس سرمایہ کاری سے نہ صرف مقامی ٹیکنالوجی سیکٹر کو فروغ ملے گا بلکہ ہزاروں انجینئرز اور ڈیجیٹل ماہرین کے لیے روزگار کے نئے مواقع بھی پیدا ہوں گے۔
واضح رہے کہ اوبر نے پاکستان میں مئی 2024 میں اپنا آپریشن بند کر دیا تھا۔ اس کے بعد اوبر کی ذیلی کمپنی کریم نے کچھ عرصہ تک خدمات جاری رکھیں تاہم بعد میں اس نے بھی مستقل طور پر سروسز معطل کر دیں۔
