ہالی ووڈ کے معروف اداکار ٹام کروز اور کیوبن نژاد اداکارہ آنا دے آرمس کے درمیان نو ماہ سے جاری رومانوی تعلق اختتام پذیر ہوگیا ہے۔
63 سالہ ٹام کروز اور 37 سالہ آنا دے آرمس نے کبھی اپنے تعلقات کی باضابطہ تصدیق نہیں کی تھی، تاہم انہیں اس سال کے اوائل میں سابق فٹبالر ڈیوڈ بیکہم کی پچاسویں سالگرہ کی تقریب میں ایک ساتھ دیکھا گیا تھا۔
زرین خان آن لائن ہراسانی سے پریشان، ویڈیو پیغام وائرل
برطانوی میڈیا کے مطابق دونوں کے درمیان تعلقات میں سردمہری آگئی ہے اور وہ اب باضابطہ طور پر الگ ہوچکے ہیں۔ ذرائع کا کہنا ہے کہ ٹام کروز اور آنا نے ایک ساتھ اچھا وقت گزارا لیکن اب انہوں نے باہمی رضامندی سے علیحدگی اختیار کرلی ہے۔ اس کے باوجود دونوں کے درمیان دوستانہ تعلقات برقرار رہیں گے۔
یہ جوڑا اکثر ورمونٹ میں آنا دے آرمس کے سات ملین ڈالر مالیت کے گھر میں ایک ساتھ دیکھا جاتا تھا۔ دلچسپ بات یہ ہے کہ آنا کو ٹام کروز کی آنے والی فلم میں بھی کاسٹ کیا گیا ہے، لہٰذا دونوں پیشہ ورانہ طور پر ساتھ کام کرتے رہیں گے۔
واضح رہے کہ ٹام کروز اس سے قبل تین شادیاں کرچکے ہیں، جن میں میمی راجرز، نکول کڈمین اور کیٹی ہومز شامل ہیں۔
