ناگپور(نیوزڈیسک)بھارت میں ناخلف بیٹے نے پاؤں کا مساج کرنے سے انکار کر بزرگ والد کو بہیمانہ تشدد کا نشانہ بنانے کے بعد بے دردی سے قتل کر ڈالا۔
بھارتی میڈیا کے مطابق ریاست مہاراشٹرا کے شہر ناگپور میں ایک 33 سالہ کشال شندے نے پاؤں کا مساج کرنے سے انکار پر اپنے 62 سالہ والد دتاتریا شندے کو اس قدر تشدد کا نشانہ بنایا کہ بزرگ والد جان سے ہی ہاتھ دھو بیٹھے۔
مزیدپڑھیں:جان ابراہم نے بھارت کو خواتین، بچوں اور جانوروں تک کیلئے غیرمحفوظ قرار دیدیا
پولیس کے مطابق گھر میں موجود کشال شندے کے بڑے بھائی نے کرمنل ریکارڈ یافتہ بھائی کو روکنے کی بہت کوشش کی لیکن وہ اپنے والد کو بچانے میں کامیاب نہ رہا۔
پولیس کے مطابق کشال شندے نے اپنے والد کو سینے اور پیٹ پر مکے اور لاتیں ماریں جس سے ان کی پسلیاں ٹوٹ گئیں اور ان کے سر پر بھی شدید چوٹیں آئیں، پولیس نے کشال شندے کو گرفتار کر کے قانونی کارروائی شروع کر دی۔
